- Programstyret skal vere samansett av representantar for aktørar som arbeider med barnehage- og skuleutvikling. Sogn regionråd set saman programstyret. Representantar vert normalt valt for to år.
- Sogn regionråd vel ein av ordførarane til å leie programstyret. Programleiar er sekretær for programstyret. Programleiar har saman med dagleg leiar i Sogn regionråd ansvar for å drive fram og koordinere dei ulike tiltaka i programmet. Dagleg leiar deltek på styremøta.
- Aktørar som blir invitert til å delta i programstyret peikar sjølv ut representantar til programstyret.
- Programstyret rapporterer til Sogn regionråd som folkevald styringsorgan. Sogn regionråd godkjenner handlingsplan, årsmelding og budsjett.
- Viktige oppgåver for programstyret er å:
a) ta initiativ til og byggje opp under faglege- og organisatoriske utviklingsprosessar.
b) sikre politisk og administrativ forankring i kommunane.
c) informere og forankre i eigen organisasjon.
d) bringe eigne relevante satsingar inn til drøfting i programstyret.
e) vere pådrivar for å nå dei overordna måla for utviklingsprogrammet.
f) bidra til å koordinere tiltak i programstyret og eigen organisasjon.
Vedteke i Sogn regionråd i møtet 13.9.2013