Framsida @ www.sogn.regionraad.no

System for styrka læring - samlinga er avlyst

Thu, 16 Feb 2012 14:23:38 +0100

Samlinga som var sett opp 17. februar på Statens hus er avlyst. Vi kjem attende med ny dato når den er klar.

Møte 17. februar

Mon, 13 Feb 2012 12:04:11 +0100

Forskar Trond Buland presenterer funna frå evalueringa av prosjektet "Sats på skulen - snu Sogn", og det vert paneldebatt.

Møte i styringsgruppa for reiselivsorganiseringa i Sogn er lagt til regionrådsmøte. Prosjektleiar Synnøve Aabrekk kjem med framlegg til alternative modellar og vegen vidare.

Møtestad: Fylkeshuset, Leikanger

Dagsorden

Saksdokument

Karrieremesser i Bergen og Trondheim

Mon, 06 Feb 2012 10:50:16 +0100

Messa er ein møteplass både for dei som er ute etter ein jobb og for dei som berre har lyst til å vita kva som finst av moglegheiter, og både studentar og arbeidstakarar kjem på messene. Her får dei besøkande gode høve til å treffa bedrifter, ha det triveleg og få inspirasjon til karriereval. Erfaringar viser at mange besøkande blir overraska over det store mangfaldet av kompetansearbeidsplassar som finst i vår region.

Programmet for kvelden er ei god blanding av informasjon, spanande stands, underhaldning og god mat. Kommunane i indre Sogn stiller samla på Sogn regionråd sin stand. I Bergen vert messa 15. februar og i Trondheim 1. mars. Arrangør er Framtidsfylket.

Les meir om messene

Frå messa i Grieghallen i 2011

Triple Helix i Sogn

Fri, 20 Jan 2012 16:11:44 +0100

Onsdag 18. januar arrangerte ”Sats på skulen – snu Sogn” nettverkssamling og kurs i entreprenørskap; ”Entreprenørskap på nye vegar”. Entreprenørskap er eit multidisiplinært fenomen var bodskapen til Ødegård. Dei viktige ingrediensane er økonomi, psykologi, pedagogikk og sosiologi. Entreprenørskap i skulen bør ikkje berre handle om verksemdperspektivet, altså økonomi, leiing, tilsette og verksemda. Det viktigaste med entreprenørskap i skulen er sjølve danningsperspektivet. Det handlar om likeverd og vekt på de sosiale, pedagogikk med vekt på inkludering og å byggje sosiale relasjonar. Entreprenørskap i skulen skal trene elevane i motivasjons- og handlingskompetanse; det å sjå moglegheitene og motivere seg til å ta dei fyrste skritta.

”Samarbeid mellom skule og næringsliv er ei øving i empati!” Utsegnet tilhøyrer Per Arne Tveit frå HAFS, regionrådet i ytre Sogn. Det handlar om å kunne setje seg inn i skulen og næringslivet sine problem, utfordringar og syn på moglegheitene lokalt og regionalt. Skal vi få eit sterkare samkvem mellom skule og næringsliv, så må ein bli betre kjende med kvarandre. Det må gjerast noko konkret. Tveit presenterte prosjektet ”Næringsreisa”, der 40 lærarar frå ungdomsskulane i ytre Sogn tek ein to dagars busstur med omvisning og besøk på private verksemder i dei fem kommunane i HAFS.

Jørn Helgheim frå stiftinga Ungt Entreprenørskap presenterte ein metode i praktisk entreprenørskapsarbeid: Gründercamp, ein ”treningsleir” i kreativitet og nyskaping. På ein slik gründercamp brukar elevane ein eller to dagar med eit reelt oppdrag frå ein lokal verksemd. Elevane skal tenkje gjennom problemstillingane, utfordringane – og komme med nye idear og løysingar til verksemda. Røynslene til Ungt Entreprenørskap syner at ungdomen ikkje har ”bremsene” på. Dei ser moglegheitene i større grad enn vaksne!

Presentasjonane:
Pedagogisk entreprenørskap ved Inger Karin Røe Ødegård, Høgskulen i Sogn og Fjordane
Næringsreisa i HAFS ved Per Arne Tveit, HAFS regionråd
Gründercamp - Samarbeid skule -næringsliv ved Jørn Helgheim, Ungt Entreprenørskap

Program

Arbeidsmøte om reiselivsorganisering i Sogn

Tue, 10 Jan 2012 01:00:00 +0100

Arbeidsmøte 9. januar samla nærare 40 deltakarar frå næringa, reiselivsselskapa og samarbeidspartar. Statusanalyse, funksjonar og moglege modellar for framtidig organisering av reiselivet vart presentert og diskutert.

Deltakarane drøfta status og modellar i grupper og i plenum, og det kom mange konstruktive innspel. På bakgrunn av statusanalyse og innspela på møtet vil det bli laga ei tilråding for framtidig modell i Sogn. Tilråding til aktuell modell vil bli lagt fram for Sogn regionråd i møtet 17. februar.

Presentasjon

Les meir om forprosjektet

"Alt er småting, og det er de som teller"

Tue, 10 Jan 2012 12:32:53 +0100

På oppdrag frå KS har SINTEF gjennomført eit FOU-prosjekt om fire døme på samarbeid. Idehandboka tek for seg utfordringar knytta til skuleutvikling, beskriv døma og erfaringar og viser dei gode grepa for eit vellukka samarbeid.

Viktige føresetnader er at arbeidet er solid forankra både i kommunane og i skulane, at det etablerast tid og møteplassar for reelt samarbeid, at rollefordelinga er klar, og at ein arbeider bevisst for å få resultat som vert opplevd som nyttig av alle samarbeidspartnarar. Ein ekstern utviklingsagent som vert delt mellom enkeltkommunar viser seg å vera positivt. Denne fungerer som drivkraft og koordinator i arbeidet.

Les meir på KS si nettside

Rapporten

Sogndal lufthamn - forlenging av rullebane

Fri, 16 Dec 2011 01:00:00 +0100

Bakgrunnen er Samferdselsdepartementet si bestilling til Avinor om å avklara ein framtidsretta utvikling av lufthamnene. Avinor skal greia ut og analysera dei lokale flyplassinitiativa og vurdera aktuelle løysingar til Nasjonal Transportplan 2014-2023.

Rapporten "Sogndal lufthamn - Forlengelse av rullebane" er bestilt av Sogn regionråd og inngår som ein delutgreiing til Avinor sitt prosjekt. Rapporten omhandlar dei tekniske tiltaka som må gjerast i samband med forlenging av rullebana til 1199 meter og kalkyle for forlenginga. Ei forlenging vil kosta 103 millionar. Les rapport og kalkyle.

Rapporten er sendt Avinor som underlag for deira vidare arbeid mot Nasjonal Transportplan.

Møte 2. desember

Thu, 17 Nov 2011 01:00:00 +0100

Prosjektleiar Claus Røynesdal orienterte kort om status, utfordringar og vidare framdrift i prosjektet Sats på skulen - snu Sogn. Nokre regionale grep i prosjektet er leiarutdanning, tett regionalt samarbeid, fagnettverk, barnehagesatsinga, entreprenørskap som ein raud tråd og å vera ein arena for utvikling.

Ivar Offerdal frå Høgskulen i Sogn og Fjordane orienterte rådet om entreprenørskap i Europa og utfordringar for Sogn. Korleis skal skuleverket og lokalsamfunnet møta framtidas utfordringar. Offerdal kom med konkrete utfordringar/tiltak for Sogn mellom anna bør entreprenørskapsarbeidet i skulen forankrast på alle nivå også politisk, i tillegg bør kommunane styrka kompetansebygging og samarbeidet mellom skule og næringsliv.

Prosjektleiar Synnøve Aabrekk orienterte styringsgruppa for reiselivsorganisering om status og vidare arbeid i forprosjektet. Det vert laga eige referat frå møtet.

Saksdokument og presentasjonar

System for styrka læring

Wed, 16 Nov 2011 08:14:40 +0100

Auka bruk av spesialundervisning er ei gordisk knute. Kompetanse er nøkkelkriteriet, sa Marit Mjøs som er assisterande direktør ved Statped Vest. Mjøs har mellom anna doktorgrad på relasjonen mellom spesialpedagogikk og ordinær undervisning. Hennar utgangspunkt er at fokus må vere å styrke den totale opplæringskvaliteten. Dette krev meir spesialpedagogisk kompetanse og ei samordna innsats lokalt og regionalt.

Dei juridiske rettane til barna er på plass. Ressursane vil truleg ikkje auke til spesialundervisning i skule og barnehage. Då blir kompetanse endå meir kritisk enn tidlegare. Mjøs peikte på at spesialundervisning ikkje er ein samanliknbar storleik, og at trongen for spesialundervisning kan vere relativ. Spesialpedagogane og allmennpedagogane må lære meir av kvarandre, hevda Mjøs.

Rådmenn, ordførarar, skulefagleg ansvarlege, styrarar, rektorar, lærarar og førskulelærarar tok aktiv del i gruppearbeidet etter lunsj. Kvifor er det slik, kva gjer vi med det og korleis gjer vi det? Svara på desse spørsmåla tek arbeidsgruppa for ”System for styra læring” med seg i det vidare arbeidet.

Dei neste skritta i denne utviklingsprosessen er at styrarar og rektorar blir inviterte til kvar si samling på nyåret. Meir info om dette seinare.

Sjå presentasjonen til Marit Mjøs.

Arrangørar for samlinga var skuleregion Sogn, Statped Vest og Sogn regionråd.

Marit Mjøs med 115 deltakarar frå kommunane samla i grupper for å drøfta vegen vidare.

Møte med regionrådet for Nord-Gudbrandsdalen

Tue, 08 Nov 2011 01:00:00 +0100

Statens vegvesen ved Paal Fosdal orienterte om aktuelle vegtrasear om Sogn. Regionråda drøfta vegsambandet og det kom forslag til vidare arbeid. Regionrådet for Nord-Gudbrandsdalen vil vurdera sitt engasjement for vegsambandet. Sogn og Fjordane fylkeskommune deltok i møtet.

Regionråda presenterte aktuelle prosjekt og drøfta aktuelle samarbeidsområde etter lunsj. Regionsjef Ole Aasaaren orienterte om lokalmedisinsk senter i Nord-Gudbrandsdalen mellom anna om organisering, utfordringar og oppgåvefordeling. Leiar i programstyret Jarle Aarvoll orienterte om prosjektet Sats på skulen - snu Sogn; om bakgrunnen for prosjektet, kvifor kommunane er gode på skule og barnehage og det "regionale" grepet.

Presentasjonane:
Vegsambandet Bergen-Trondheim om Sogn
Lokalmedisinsk senter i Nord-Gudbrandsdalen
Sats på skulen - snu Sogn