Skuleleiar
Høgskulen i Sogn og Fjordane har på bestilling frå kommunane i Sogn regionråd utvikla eit skreddarsydd utdanningsopplegg skuleleiarar i Sogn.
Utviklingsprosjekt på skulane som har delteke i leiaropplæringa 2007-2009
Skuleleiaropplæringa er organisert rundt eit praktisk utviklingsprosjekt som deltakarane skal gjennomføre på eigen skule. Det er no laga ei oversikt som syner dei prosjekta det første kullet har gjennomført. Entreprenørskap, lærande skule, samanhengar i opplæringsløpet. MILL(mange intelligensar, læringsstrategiar og læringsstilar), organisasjonsutvikling og samhandling skule - lokalsamfunn er nokre stikkord for dei tema leiarane har valt for prosjekta sine.
Det første kullet med skuleleiarar avsluttar vidareopplæringa våren 2009
24 skuleleiarar frå Indre Sogn avslutta opplæringa med ein studietur til Skottland i april. Skulebesøka var eitt av høgdepunkta. Det var elles orienteringar om skulesystemet, Curriculum for Excellence og det skotske inspektoratet. Departementet informerte vidare om dei nye læreplanane Determined to succeed der entreprenørskapstenkinga ligg i botnen. Det var også lagt inn eit besøk på universitetet i Strathclyde. Les meir om programmet.
Kull to godt i gang med skuleleiaropplæringa
Oppstartsamlinga var i Flåm på Fretheim hotell 30. og 31. oktober 2008.
16 nye skuleleiarar er dermed i gang med si to-årige vidareutdanning
Stor satsing på opplæring av skuleleiarar
 Sogn regionråd ønskjer at skulane i Indre Sogn skal ha dyktige leiarar som kan ta utfordringane knytte til implementeringa av skulereformen Kunnskapsløftet,og leiarar som i aukande grad kan utnytte dei ressursane lokale aktørar representerer. Opplæringsprogrammet tek sikte på å auke kompetansen til skuleleiarane på pedagogisk leiing, endringsleiing og leiing av skulen som regional og lokal utviklingsaktør. Vidareopplæringa gir 30 studiepoeng. Det første kullet med 28 deltakarar starta hausten 2007. Kull to med 17 deltakarar starta opp hausten 2008. Meir om programsatsinga her.
På biletet ser vi dagleg leiar for regionrådet, Norunn Haugen, og dekan ved avdeling for lærarutdanning og idrett ved HSF, Rasmus Stokke, som underteikna avtalen om skuleleiaropplæringa.
Frå høgskulen si side er professor Sølvi Lillejord fagleg ansvarleg. Prosjektleiar er Knut Roald. Prosjektmedarbeidarar er Oddbjørn Bukve, Ingrid Fossøy, Øyvind Glosvik, Jan Julusmoen, Jon Gunnar Nesse og Astrid Øydvin.
Meir om studiet
Last ned informasjon om studiet her
Sjølve studieplanen finn du her
Det er laga ei litteraturliste for studiet.
Det er også laga ein mal for prosjektoppgåva
Programmet for samlingane blir lagt ut under fana "Aktivitetar".
I samband med forskingsdagane vart kronikken: "Kan skulen snu Sogn?" publisert i Sogn Avis.
Kronikken tar utgangspunkt i programsatsinga og skuleleiaropplæringa. Les kronikken her.
Kontaktpersonar:
Jorunn Nyttingnes, leiar for skuleregion - telefon 57 65 56 00
Ingrid Syse, prosjektleiar for Sogn regionråd - telefon 57 62 96 17
Knut Roald, prosjektleiar ved Høgskulen - telefon 57 67 60 30
Sist endra av Ingrid Syse,
29.06.2009
|